Nazioarteko Ikastaro Birtuala – FINANTZAZ HARATAGO: Finantza Etikoak eta Alternatiboak

35 ikasle

Deskribapena

“Nazioarteko ikastaro birtuala – FINANTZAZ HARATAGO: Finantza Etikoak eta Alternatiboak” ikastaroa gizarte euskaldun eta globalari zuzenduta dago, finantza etiko eta alternatiboen inguruan sentsibilizatzeko. Modu partehartzailean egin dugu ikastaro hau, eta edukia pertsona guztientzat erraza eta eskuragarria izan dadin garatu dugu.

Finantza etikoak gizartea eraldatzeko tresna dira, eta horrela islatu nahi izan dugu hemen. Ikastaroan, diruaren jatorria eta finantza etikoak munduan nola sortzen diren ezagutuko dugu; mikrokredituak eta sozialki arduratsua den inbertsioa zer diren aztertuko dugu; eta, amaitzeko, finantzetan eta arlo guztietan zeharkakoak diren edukiak ikusiko ditugu, begirada feminista eta justizia klimatikoa ardatz izanik.

  • 1GO ATALA. Dirua eta denboran zehar izandako bilakaera.

    Atal honetan, diruaren jatorria eta bere erabileraren espekulazio-funtzioa ezagutuko ditugu. Diruak dituen kolore guztiak erakutsi nahi ditugu, baita finantza-sisteman duen inplikazioa ere.

    Esperientzia gisa aurkeztuko da Ekhilur. Euskal Herrian sortu berri den ekimen hori ezagutuko dugu. Moneta birtual honek tokiko diru-zirkuitu txikiak sortu nahi ditu, dirua hurbilekoa izan dadin eta espekulaziotik ihes egin ez dezan.

  • 2. ATALA. Nire diruarekin ez: Finantza etikoen historia.

    Atal honetan, finantza etikoen jatorria (Europan eta espainiar Estatu mailan), horiek sortzeko arrazoiak, uneko errealitatea eta etorkizunerako dituzten itxaropenak ezagutuko ditugu.

    Estatu mailan, Fiare Banka Etikoa esperientzia aurkeztuko dugu. Bere jatorria, nola bultzatu zen eta etorkizunerako dituen itxaropenak ezagutuko ditugu.

  • 3. ATALA. Mikrokredituak garapenerako finantza-tresna gisa.

    Atal honetan mikrokreditua, metodologiak eta teoriak definituko ditugu, eta horien eragina aztertu eta dauden mito batzuk argituko ditugu.

    Oikocreditek mikrokredituetan izandako bi esperientzia aurkeztuko ditu:

    1. CIDRES (Bolivia). Mikrofinantzaria. Nekazaritza-sektorean lan egiten du eta artisautza txikiko jarduerak bultzatzen ditu.
    2. Oikocredit Mexiko. Mexikon enpresa txiki eta ertainak mikrokredituaren bidez nola bultzatzen ari diren aztertuko dugu.

  • 4. ATALA. Inbertsio Sozialki Arduratsuen Merkatua. Zer zerikusi du nirekin?

    Atal  honetan Inbertsio Sozialki Arduratsuak zer diren ikasiko dugu, haien jatorria eta bilakaera zein izan den eta nola eragiten diguten inbertitzaile partikular gisa.

    Anesvad esperientzia aurkeztuko dugu, modu arduratsuan inbertitzen duen erakunde gisa. 

  • 5. ATALA. Finantza etikoak eta emakumeak. Ekonomia feministatik finantzak eraldatzen, Bizitza edo Kapitala.

    Atal honetan, finantza etikoak aztertuko ditugu, ekonomia feministatik egin diren ekarpenetatik abiatuta. Emakumeek kreditua eskuratzerako garaian oraindik dituzten ezberdinkeriak aztertuko ditugu, eta emakumeek finantzetan duten eginkizunari buruzko gogoeta egingo dugu.

    Finantzen inguruko emakumeen bi esperientzia aurkeztuko dira, bat Iparraldean eta bestea Hegoaldean.

  • 6. ATALA. Elikadura Burujabetza eta Justizia Klimatikoaren aldeko borroka globala.

    Ikastaroaren azken moduluan, elikadura burujabetzaren proposamenaren eta Klima Justiziaren aldeko borroka globalaren artean dagoen lotura estua ikertuko dugu, oro har. Horretarako, hasiera batean, berotze globalaren eta klima-aldaketaren kausak identifikatuko ditugu, eta arreta ingurumenarekin eta fisikoarekin lotutako alderdietan jartzeaz gain, arazo etiko eta politiko gisa aipatuko ditugu.

    Lehen azterketa orokor horretatik abiatuta, gizarte-mugimenduen bizipenean oinarritutako proposamen alternatibo batean jarriko dugu arreta, eta, zehazki, Via Campesina nazioarteko mugimenduan dauden nekazarien erakundeetan. Giza eskubideak eta, bereziki, nekazarien eskubideak aitortu eta bermatzearen esparruan, Via Campesinak elikagaien burujabetza defendatzen du proposamen politiko gisa, eta agroekologia, berriz, justizia klimatikoaren aldeko borrokaren funtsezko printzipio gisa. Era berean, iraunkortasuna bultzatzen duten finantza etikoen aldeko ekimenak aztertuko ditugu.

    Labore supermerkatu kooperatiboaren esperientzia ezagutuko dugu ere. Supermerkatu horretan, produktuek hiru baldintza betetzen dituzte: bertakoa, ekologikoa eta bidezkoa izatea, kontsumo-eredu ezberdin eta eraldatzaile baten aldeko lanean.

Parte-hartzaileak

1. ATALA.  Dirua eta denboran zehar izandako bilakaera.

Aitziber Mugarra Elorriaga. Gizarte Garapena, Ekonomia eta Pertsonentzako Berrikuntza, Berrikuntzako koordinatzailea, Zuzenbide Fakultatea. Deustuko Unibertsitatea.

2. ATALA.  Nire diruarekin  ez: Finantza etikoen historia.

Jésus Ochoa Berganza. Mugarik gabeko Ekonomialariak Euskadi-ko sortzailekidea eta boluntarioa. Fiare Banka Etikako Gipuzkoako LET-aren boluntarioa.

3. ATALA.  Mikrokredituak garapenerako finantza-tresna gisa.

Jorge Berezo Díez. Oikocredit Euskadiko sortzailekide eta Presidentea.

4. ATALA. Inbertsio Sozialki Arduratsuen Merkatua. Zer zerikusi du nirekin?

Gloria Gonzalez Sanz. Mugarik Gabeko Ekonomialarien Erantzukizun Sozial Korporatiboaren eta Inbertsio etikoen Arloa.

5.ATALA.  Finantza etikoak eta emakumeak. Finantzen eraldaketarako bidean: Bizitza edo Kapitala.

Cristina de la Cruz Ayuso. Deustuko Unibertsitateko Nazioarteko Harremanen eta Humanitateen Saileko Filosofia irakasle titularra eta Pedro Arrupe Giza Eskubideen Institutuko ikertzailea.

6. ATALA.  Justizia klimatikoa: Larrialdi globalaren aurrean, elikadura burujabetza.

Nello Schisano. Mundubat Fundazioko Elikadura Burujabetzaren Departamentuko koordinatzailea.

Datak eta iraupena

Izena emateko epea urriaren 23tik azaroaren 23ra izango da. Ikastaroa azaroaren 23an hasi eta abenduaren 18an amaituko da. Astero bi gai berri irekiko dira.

Ikastaro honek 25 orduko iraupena du.

ATALAK

Astelehena, azaroak 23 – Ostirala,  abenduak 18

1GO ASTEA (Astelehena, azaroak 23 – Igandea, azaroak 29)

  • 1GO  ATALA. Dirua eta denboran zehar izandako bilakaera.
  • 2. ATALA. Nire diruarekin ez: Finantza etikoen historia.

2. ASTEA (Astelehena, azaroak 30 – Igandea, abenduak 06)

  • 3. ATALA. Mikrokredituak garapenerako finantza-tresna gisa.
  • 4. ATALA. Inbertsio Sozialki Arduratsuen Merkatua. Zer zerikusi du nirekin?

3. ASTEA (Astelehena, abenduak 07 – Igandea, abenduak 13)

  • 5. ATALA. Finantza etikoak eta emakumeak. Ekonomia feministatik finantzak eraldatzen, Bizitza edo Kapitala.
  • 6. ATALA.  Justizia klimatikoa: Larrialdi globalaren aurrean, elikadura burujabetza.

4. ASTEA (Astelehena, abenduak 14  – Astelehena, abenduak 18)

Aste hau ikastaroa ixteko eta foroetan hausnartzeko eta parte hartzeko izango da.

Asteazkenean, abenduaren 16an, 18:30etan, zuzeneko solasaldia izango dugu ikastaroaren atal ezberdinetako partaide nagusiekin. Zuzeneko online emisioa.

Atal guztiek eztabaida-foro bat izango dute.

Ebaluaketa eta ziurtagiriak

Ikastaroa gainditu izanaren ziurtagiria Finantzaz Haratagok emango du.

Ziurtagiri hori eskuratu ahal izateko, beharrezkoa izango da ikasturtean zehar plataformako EZTABAIDA-FORO GUZTIETAN  aktiboki parte hartzea. Atal bakoitzaren hasieran eztabaida-foro bat irekiko da eta galdera batzuk egingo dira parte-hartzea eta interakzioa dinamizatzeko.Era berean, eskuragarri dauden idatzizko eta ikus-entzunezko dokumentu guztiak irakurri eta ikusi beharko dira, eta amaierako laburpen-lan bat aurkeztu beharko da.

Ziurtagiria lortzeko, abenduaren 16ko azken solasaldian parte hartzea baloratuko da.

Doako ikastaroa